Канада, најголемата празна земја на светот

Од сите држави на светот, Канада е втора по големина на територија и зафаќа 6,1% од вкупната територија на планетава. Од сите држави на светот, Канада е 39-та по население, со неполни 38 милиони жители. Пример, Бангладеш со една десетина од територијата на Канада, има 164 милиони жители.

Канада со квадратура без проблем ја покрива цела ЕУ, а и Европа, без Русија. Меѓутоа сериозно заглавува со популација.

Во категорија „густина на население“ Канада има 4 луѓе на еден километар квадратен и е на 8 место на светот зад пустелии како Гренланд или Западна Сахара. Пример, Македонија има 83-ца жители на километар квадратен.

Притоа на сето ова пространство и земјиште најголемиот дел од целата популација на Канада живее во едно ќошенце од земјата.