Воодушевувањето е заради самиот факт што е Хари Потер плус Ванс, затоа што - како би смеело тоа да се пропушти, а разочарувањето е затоа што - најверојатно ќе се пропушти.
Ваквите колекции се познати по тоа што се распродаваат за минути, а со оглед на популарноста на Ванс и безгранично посветените фанови на Хари Потер, овде веќе може правиме муабет и за секунди.
Од Ванс напишаа, „Наскоро доаѓа нешто магично,” со линк до сајтот, каде што моментално можат да се видат само боите на четирите куќи во Хогвортс и поканата за регистрација за да добиеме нотификации кога ќе се појави „соработката на Ванс и Хари Потер со магична колекција на обувки, облека и додатоци, за вештерки, волшебници и *како и да е македонскиот превод на Muggles*”.
Додека сте таму, прошетајте со маусот преку сајтот.
Како што ќе каже еден коментар после објавата, „Колекцијава Ванс Х Хари Потер има да ми ја умре сметката во банка.”
Последен пат вака вени се сечеа на Ванс и Ван Гог, а иначе, нема веќе од тоа, толку. Од таму и оваа воена спремност за едно тажно „ех”, кога ќе видиш sold out in seconds.