За разлика од многу кралски личности, Сиси имала среќно детство, но понатаму, животот ѝ приредува неправди и трагедии. Во еден момент, на Франц Јозеф му треба жена, па неговата строга мајка, (толку строга што ја викале „единствениот маж во палатата Хофбург“) одлучува дека токму од кај Сиси ќе бара снаа. Ги поканила мајка ѝ и сестра ѝ да ги посетат, а Сиси случајно се нашла таму. Е сега, жените биле принудени неколку пати да сменат кочија, им се изгубил багажот и кога стигнале, не биле ни дотерани, ни спремни за ласкави муабети (ако ви каснеле авиони и сте изгубиле багаж, знаете како е). Но, црниот фустан во кои била принудена да се појави и тоа како ја направил Сиси попривлечна, па наместо Франц Јозеф да ја послуша „единствениот маж вво Хофбург“, како еден безумен Шекспиров лик ќе каже „Или Елизабет, или никогаш нема да се женам.“ Мајка му заклучила дека „не е битно која сестра“ и останатото е историја:
