На Корејки во студио им носат шминкерка од Франција, скроз испраксирана во западњачкиот начин на шминкање - нели, јаките веѓи, контурирањето и сите други Инстаграм ствари што ги знаеме - и до крај на шминкањето не им даваат да се видат, како што тоа обично бива.
Резултат: три избезумени жени, на кои не им се верува што гледаат во огледало. На прашањето дали би го повториле изгледот, една вика дека можеби и би го искористила - за маскенбал. Друга вика дека да излезеш така на улица, луѓето ќе бидат убедени дека си странец, а на третата и е толку незгодно, што почнува да се фаќа за коса и да се правда со „ова не сум јас.”
Чудо е колку различно функционираат истокот и западот и колку малку ни е на нас јасно сето тоа, дури и за вакви тривијални работи.
