Затоа што постои нешто што се вика токсична средина, а со оглед на тоа кај живееме, многу е можно да сте некако заглавени во тоа.
На пример, можно е да треба да размислите дали е време за ново, ако се среќавате со следниве работи:
1. Непочитување и омаловажување
2.Нереален притисок да се постигнат краткорочни резултати на штета на долгорочната стратегија
3. Нееднаквост, нефер однос, фаворитизам и неправда
4. Било какво малтретирање или силеџиство
5. Недостаток на сочувствителност, ценење или поддршка
6. Претерана контрола
7. Морално сомнителни средини, недостаток на интегритет и охрабрување на неискреност
Наспроти ова, како би требало да изгледа на работа? Работа е, па ретки се тие што секојдневно ќе одат со песна.
Но:
Добра работна средина дозволува да растеш професионално. Тоа не значи по дифолт дека „ќе се напредува и ќе се качува плата”, иако кога е заслужено е пожелно. Значи дека ќе влезеш со одредени квалитети, и ќе ги надоградиш и еволуираш.
Имаш поддршка, предизвиците се здрави и мотивирачки, а претпоставените ти помагаат да се изградиш во твоето поле.
Во токсична средина, луѓето се разболуваат, проектите пропаѓаат, а најдобрите вработени - си одат.
Што нè кошта да биде обратно?