Зборот е чанта, но овде освен кармин, цигари (без муштиклата) и уште нешто ситно - тешко дека ќе собере.
Метална е и била модерна на почетокот на 20-от век. Ги правеле од месинг и други скапоцени метали, често по нарачка и често уникатни.
Баш оваа, авторот на видеото споделува дека ја купил на аукција во (очигледно) ужасна состојба - оксидирана, делумно зарѓана, а копчето не ни функционирало и не можела да се отвори. Реставрацијата била тешка, но резултатот на крај е прекрасен.
Патем, имавме и една друга, многу постара, и една винтиџ - изгорена. А ако не ви е доста, имавме и Шанел балетанки, и една прастара мелница за кафе.
Оваа ќе ја користат како кутија за накит.
