Токсичните врски знаат да бидат многу штетни за нашата целокупна психолошка состојба и многу е важно да се отфикарат со време, што е можно побрзо.
Како да ги идентификувате?
Пријателот што секогаш нешто бара
Комуницира само кога му треба нешто. Се разбира, во ред е да побараш нешто од пријателите повремено - не е точно дека „пријателите се за тоа“, ама и такви работи влегуваат во опис и попис. Ама, ако го имате тој еден „другар“ што „најмногу ве сака и сѐ ќе направи за вас“, ама некако се појавува само кога вие треба да направите „сѐ“ за него - бегајте.
Гаслајтерот
Ако нешто почне да ти пречи кај него/неа и си кажеш, тогаш обавезно „нешто погрешно имаш сфатено“ или „не е точно“ или „е баш ти него тоа му го имаш направено“. „Чао“ е супер поздрав. Патем, овде има 7 фрази што ги користат гаслајтери.
Пријателот што никогаш не ти се обраќа
Деликатна е дефиницијата, затоа што понекогаш стварно се гаѓа едниот нонстоп да предлага дружење, а другиот секогаш со задоволство да прифаќа. Животите ни се различни, приоритетите исто, ама пријателството трае. Но, да се има предвид: ако целиот товар на одржување на пријателството паѓа врз вас, ако само вие организирате, само вие давате, само вие се мачите и капак на сѐ - човекот се однесува како да ви прави услуга - бегајте. Ова е еднострана и тотално неисплатлива инвестиција.
Само за себе зборува
Ова не само што не е фер, туку е и напорно, и нема потреба да се мачите во овој однос. Никогаш нема прашано како сте, што ви се случува, дали нешто ви треба, а подлабоките нарушувања значат и тотално игнорирање на сѐ ваше, вклучувајќи и прекинување кога сакате да кажете нешто за себе, вртење на вниманието од вас кон себе и едноставно кажано - себичност. Чао.
Пријателот што ти се занесува
Ако имате чувство дека човекот спроти вас постојано бара начини да ве омаловажи или да направи да се чувствувате инфериорно, покажете му ја вратата. Нормално е да се почувствуваш како да не си на место каде што би сакал да бидеш, особено кога близок ќе добие унапредување од каков и да е тип во животот, ама ако некој активно се труди да те потсети колку е подобар од тебе, тогаш има проблем со самиот себе. Чао.
Еве, со анимација, за нештата да станат појасни:
