Прво, како што забележаа и фановите, куќата е отворена, баш како што беа и играчките-куќи, за да можеш да ги движиш барбиките од соба во соба, без да се мачиш да го пикаш рачето во мали просторчиња. Второ, пластично е и точка, сосе базен, сосе чаши и храна, и многу, многу розево.
Режисерката Грета Гервиг (видливо преморена) споделува дека куќата била тема на безброј состаноци и дискусии, особено за бојата, која наводно ја купувале во толку големи количини што почнало да снемува на национално ниво. Дури и белото им е всушност многу светло розево.
