Футуристички минимализам
Мазни, правилни форми, јасни линии, монохроматска палета и иновативни материјали што комбинираат комфор и функционалност. Дури може да видиме и смарт-текстили со УВ-заштита, или регулација на температура. Бело, беж, црно, суптилна елеганција. И можеби металик и хромирано (последново беше и во 1999).
Наспроти тоа - „земјена елеганција“
Додека едни дизајнери се фаќаат за футуризам, други ќе бараат инспирација во природата. Значи топли, земјени тонови - портокалова, маслинесто-зелена, глинено-кафена, плус природни материјали како коноп, лен и органски памук.
Облека со помош на AI
Купувачите ќе можат да очекуваат комплетно персонализирани парчиња совршено скроени по мерка и по желба. Од 3Д-принтање на чевли, до апликации за кроење „по потреба“ - ChatGPT мисли дека иднината на модата е во индивидуален пристап кон секој потрошувач.
„Бучни“ додатоци
Во 2025, аксесоарите ќе бидат храбри и неконвенционални. Огромни обетки, големи ланчиња, кабасти чанти, уметнички дела што можат да се носат, епоксидна смола, плексиглас и рециклирани метали.
Одржливост пред сè
Одржливоста веќе не е само тренд - станува стандард во индустријата. Во 2025 ќе се истакнат еколошки иновации, што пак ќе доведат до нов и возбудлив развој на настаните. Да речеме: Биоразградлива облека, цели колекции од рециклажа и транспарентност во синџирите за набавка. И на крај, циркуларна мода - парчиња облека дизајнирани за одново користење и рециклирање.
Шарени обувки
Обувките ќе бидат сè, само не здодевни во 2025. Ќе газиме на големи платформи, комплицирани штикли и силни бои. Комфорот и понатаму останува на прво место, но ќе се експериментира со храбар дизајн што чевелот ќе го направи центар на секоја комбинација.
Обновување инспирирано од винтиџ
Винтиџот, за среќа, ќе ни остане и во 2025. И понатаму ќе влијае на современата мода, a и најверојатно ќе влече инспирација главно од ‘70-те и ‘90-те.
Накратко, модата во 2025 ќе ја слави индивидуалноста, технологијата и одржливоста. И очигледно ќе има за секого по нешто.
Еве, ајде да видиме.
