Еве сме ние:
А еве ги Роберт и Ани:
Прво, сочувство до сите парови што мораа да ги одложат долго планираните и посакуваните свадби заради корона. Во ред, свесни сме дека луѓе умираат и дека свадбите не се најважното нешто во животот, ама истовремено сме свесни и дека на луѓето им пречи кога им се менува и ограничува животот. За некого е слободно време, за некого финансии, за некого патување, за некого здравје, за некого свадба. И реално, да не можеш да си ја оствариш свадбата е далеку поприфатлив проблем отколку да не можеш да дишеш.
Сепак, Роберт и Ани не дозволуваат да им се уништи духот - иако планирале свадба со 250 души, на крај излегува дека мораат на Зум.
Во прв момент мислеле дека ќе се извлечат - властите во Берлин објавуваат дека „не може собири на повеќе од 1000 луѓе“, само што, тој број наскоро се намалува на 50.
Се изнаплакале, го извадиле од систем и си рекле - добро.
Свадбата се случува со нај-најблиските, а оди на лајв стрим до сите што сакаат да бидат „присутни“.
И среќни се.
