Тие што ја пратат бјути-заедницата веројатно веќе зналачки климаат со глава. Лора Ли, Мени МУА, Шејн Досон, Тати, па и надвор од таму, со Логан Пол и слични на него - стотици, илјадници видеа со јавни извинувања се појавија - по нив, уште толку со „реакции“ на истите тие видеа, па толкувања, па заебанции од типот монтирано само плачењето, само ќутењето, само *вметни било каков сегмент што на Јутјуберот му помага да долови колку му е најмногу, на свет, неподносливо, најжал*.
Едно од побитните прашања: Кога веќе редиш како кишна година пред камера и тоа дооолги секунди, нели е попаметно во монтажа тоа да го извадиш?
Главните елементи на лажното извинување се префрлање вина (како Тати), избегнување одговорност и отстранување на сопствената личност од некоја мината верзија на себе (Шејн Досон), редење, кукање, плачење (Лора Ли), правење драма (Логан Пол, со естетски фино видео отпосле) и други работи што нѐ тераат да превртиме со очи кога некој нѐ мавта при извинување.
Единствен начин да се извиниш, според Акана, а и општо, е да си ја признаеш грешката. Едноставно, да дадеш на знаење дека тоа некого повредило и да кажеш дека нема веќе тоа да го правиш. За ваков пример ја зема Џена Марблс, која дури и престана да работи за да не ризикува да повредува уште луѓе.
Како да забележиш емоционално-манипулативно извинување:
