Последен пат, принцезата се појави на 25 декември, заедно со кралот, принцот Вилијам и трите деца на годишната прошетка до црквата Сандрингем за божиќната служба. Претходно редовно ја имаше на по неколку ангажмани неделно, како домаќинка на настани и странски гости.
На 17 јануари, палатата Кенсингтон сподели некарактеристично личен апдејт за здравјето на Кејт - дека е хоспитализирана за операција на абдомен. Не навлегоа во детали, но кажаа дека е можно да не се појави до после Велигден.
Јавноста се разбира на големо шпекулира, а официјалните одговори се во основа „знаеме дека ве интересира, ама се надеваме дека ќе ја разберете.“
Операцијата не се знае каква била, само се знае дека била успешна, а Харперс Базар успева да дознае и дека нема врска со канцер. Нивниот Велигден паѓа на 31 март, па веројатно ќе ја гледаме од април.
Некои од теориите на заговор се брилијантни - освен шишките, некој спомна дека таа лично е Бенкси, некои споделуваат трендинг теми на Твитер кои во комбинација се „кралско семејство“, „УБИСТВО“ „Кејт“ и „Бакингемска палата“. Ја викаат и „избеганата принцеза“.
Сите мемиња и теории тука. Па, ќе збориме на 1 април.