Петнаесетгодишниот Адријан Коп, организирал група ученици во едно школо во Корнвол, за да го искаже ставот против застарената политика за школски униформи.
Дошол во сукња од Асда што чини 8 фунти, бидејќи, без разлика на температурите кои неделава им беа над 30 степени, машките средношколци не смеат да носат шорцеви, но сите ученици, од сите полови смеат да носат сукњи.
Така значи?
И Адријан и неговите двајца другари Конор Хамфрис и Скот Пенман планираат да продолжат да си ги носат нивните сукњи до крајот на неделата и велат дека сакаат и машките и женските да добијат опција да носат шорцеви.
„Многу ми беше посвежо. Навистина е неудобно да носиш панталони на овие жештини,“ вели Адријан. „Мешани реакции добивме. Некои професори мислеа дека се зезаме. Но, имаше и такви што не храбреа. Група деца од 8-ма година навиваа и ракоплескаа.“
Ги отстраниле од часови и им забраниле социјализација 24 часа, но сепак ги пуштиле затоа што немаа за што да ги казнат.
„Не скршивме никакво правило. Само сакаме сите да можат да носат шорцеви и тоа важи и за девојчињата.“
Правилото за униформите инаку гласи: Учениците мораат да носат обични, црни, скроени панталони направени од стандарден материјал, од струк до глуждови. Мораат да одговараат со сако. Сукњите мораат да бидат плисирани и да не бидат повисоки од една кредитна картичка над коленото.“
Битката на оваа тема трае со години, и Адријан има поддршка и од мајка му.
„Немаше одредено пол кај политиката за униформите, па сакавме да играме по правилата. Ни на некои девојки не им е удобно во сукњи, па ова е за сите ученици.“
