Барби на Балкан: Од дезинформации до југоносталгија

Уште пред премиерата во јули, филмот „Барби“ го возбуди Балканот, го растури од статии и објави, дури и лажни вести стигнаа да се протнат.

Визуелно, популарноста, според трендовите на Гугл, изгледа вака:

Целата манија успеа да стави и уште малку масло на огнот на тензиите меѓу Косово и Србија. Откако Виетнам го забрани филмот поради една контроверзна мапа што за некои значеше геополитички импликации, се појави и фотошопирана балканска варијанта, заедно со текст дека филмот е забранет и во Србија - на монтажата, позади Марго Роби не стои шарената, паушална мапа на светот туку мапа на нашиов дел од планетата, со - Голема Албанија:

Без разлика што мемето е веројатно на мајтап, тоа не спречи еден куп луѓе да реагираат многу сериозно, уверени дека се работи за легитимен скриншот. Global Voices го уловиле ова:

Реалноста, во случај некој да пропуштил, е дека „Барби“ воопшто не беше забранет во Србија, напротив: Дистрибутерот го прогласи за најпосетен филм во кината од пандемијата наваму. Само првиот викенд имал над 60.000 гледачи и заработил 306.000 долари што е голема сума за земја со 6 милиони.

Од поведрите теми, филмот ги потсети луѓето на барбиката Лепа Брена - Музејот на Југославија сподели слика сеќавајќи се на локалната верзија што ни беше популарна во ‘80-те.

4 август 2023 - 10:44

Штета ако сте пропуштиле

Еве дојди кај нас

Стварно се цареви

Партија на џедаите

Поука за телекомци