Значи Стефани мрази селфи.
Нема проблем.
Ќе се слика сегде како умрена.
Како. Умрена. Со сите нишани. Не умрена како што е заспана Заспаната убавица, така женствено легната, со раката божем несвесно зафрлена наназад. Згодна, средена, со фризура.
Не, Стефани ќе биде леш, како од ЦСИ, уште Грисом да фали.
Инстаграмот ѝ е stefdies („Стеф умира”) и е врв.
Стефани малку го има упропастено сировиот хумор, доволен сам по себе, со тотално непотребно објаснување и давање на една социјална конотација на проектот:
„Целата поента на STEFDIES е дека гледачот може да учествува во сликата, без разлика дали ќе ги замислува условите на околината или одново ќе ја креира позата на STEFDIES на сопствена фотографија. Долгата коса и женските купачи на одредени слики алудираат на тоа дека сум женско, но надвор од тоа, претпочитам STEFDIES да остане неутрална и ослободена од возраст, националност, политика и социоекономски статус. STEFDIES е самото по себе лик и ги канам луѓето да се поврзат со тоа и да ги интерпретираат сцените како сакаат. Дел од радоста и хуморот на STEFDIES е што никој не знае баш што се случува и тоа директен одраз на животот генерално.”
Што го објасни, што го запусти, бе Стеф.