1. Malena
Во Сицилија за време на војна, 13-годишно дете се вљубува во прекрасна, млада воена вдовица - Малена, која е истовремено опсесија на секој маж и жена во нивното мало село. Поради нејзе, Ренато ги учи сите лекции што може да ги приреди животот и се наоѓа на места што не можел ни да ги замисли. Визуелно личи како долга реклама за Долче и Габана.
2. Swimming Pool
Британска писателка патува во летната куќа на нејзиниот издавач во јужна Франција за да се осами и да работи на следната книга. Но, пристигнува Џули, која тврди дека му е ќерка на издавачот, предизвикува компликации и едно убиство.
3. French Kiss
Мег Рајан и Кевин Клајн со француски акцент. Париз, виногради во Прованса, па Француска ривиера и имате исклучително весел и шармантен филм.
4. Plein Soleil
Се работи за оригиналната адаптација на „Талентираниот г-н Рипли“, а овде му е првата поголема улога на Алан Делон. Филм каде што секој кадар личи на разгледница, од италијанските пејсажи, до исончаните тела на актерите.
5. Only You
Роберт Дауни Џуниор и Мариса Томеи прават многу смешна и магична комбинација, со гардероба за во несвест паѓање и списокот на италијански локации - од Венеција до Поситано.
6. A Bigger Splash
Модерна ода на Сицилија, со Тилда Свинтон, Реиф Фајнс и Дакота Џонсон. Описот е: „Секс, убиство и Италија - што повеќе ти треба во еден филм?“
7. A Room with a View
Млада Хелена Бонам Картер, Меги Смит, Даниел Деј Луис и Џуди Денч - филмот е комедија со интелектуален пристап кон љубовта и ве носи во Фиренца.
8. Вики Кристина Барселона
Едно од најдобрите дела на Вуди Ален, умно, хаотично и визуелно частење.
9. Et Dieu... créa la femme
„И бог ја создаде жената“ ја претвори Брижит Бардо во интернационална ѕвезда - ја игра Џулиет, 18-годишно сираче со незапирлив апетит за задоволство што го потресува Сен Тропе.
10. Il Postino
Роџер Еберт има кажано, „Убавината на овој филм е во неговата тивкост.“ Одлично ја прикажува едноставноста на Италија.
11. A Good Year
Малку преромантизирана верзија на Прованса, ама сепак е совршен за на списоков, со Расел Кроу и Марион Котијар. Да се гледа со чаша вино во рака.