Вести › Набрзинка

Зеленски има неколку дена за да го прифати мировниот план на Трамп

10 декември 2025

Американските мировни пратеници Стив Виткоф и Џаред Кушнер му дале рок од неколку дена на украинскиот претседател Зеленски да го прифати мировниот план на САД, кој опфаќа територијални отстапки кон Русија.
Ако Зеленски ги прифати барањата, претседателот Доналд Трамп очекува до Божиќ да биде потпишан договор за крај на војната, изјавиле извори на Фајненшл тајмс.
На прашањето дали му поставил временски рок на Зеленски, Трамп во интервјуто за Политико изјави: „Ќе мора да прифаќа работи, бидејќи губи“.
Зеленски вчера одржал итни консултации со британскиот премиер Кир Стармер, германскиот канцелар Фридрих Мерц и францускиот претседател Емануел Макрон со кои договорил три документи за крај на војната – рамковен договор од 20 точки, договор за безбедносни гаранции и договор за обнова на Украина.
Зеленски го прифатил барањето од Трамп да закаже претседателски избори во рок од 60 до 90 дена, ако САД и европските партнери ѝ помогнат на Украина да обезбеди услови за гласање.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор