Вести › Набрзинка

Забрањено пушење му забранија на Неле да ги користи песните

19 мај 2023

Бендот се огласи со соопштение откако Стефан Миленковиќ и Неле Карајлиќ за јуни најавија отворен спактакл "Rock el Classico" во Загреб.
Тие го обвинуваат некогашниот фронтмен дека потпишува договори во кои лажно се претставува како комплетен сопсвеник на авторските и фонограмските права и дека на други лица им отстапува интелектуална сопоственост која не му припаѓа.
Забрањено пушење го потсетуваат Неле дека сопоственост на тие песни има Давор Сучиќ (Сејо Сексон) кој ја повлекува дозволата за јавно изведување на нивните дела од други лица, во Босна и странство.

извор

Државата плаќа приватна мамографија за пратенички

23 август 2026

Собранието на пратеничките ќе им плаќа приватен преглед мамографија на дојки, во ситуација кога со месеци жените се обидуваат да закажат мамографија во јавното здравство, бидејќи термини нема.
Приватниот преглед со мамографија во Македонија чини од 3.000 до 5.000 денари.
Пакетот е додаден на основниот за систематски преглед на пратениците и на вработените во Собранието. Услугата приватен преглед Мамографија на гради ќе ја користат и службеничките во Собранието и вработените жени во кабинетот на претседателот.
Приватно здравствено осигурување има и за директорите на ЕСМ (еден од најголемите државни загубари), Државна лотарија, вработените во Народна Банка, менаџментот и вработените од Развојна банка....

извор

Зошто професорката Христина Манческа поднесе отказ?

22 август 2026

Професорката Христина Манческа писмено го известила директорот на гимназијата „Мирче Ацев“ од Прилеп дека поднесува отказ „поради тоа што има екстремно некоректно оценување на некои коишто воопшто ништо не учат (буквално уста не отвораат) а се бара преодна оценка“.
Двајца ученици кои поправниот по хемија не го положиле во јуни, требало да полагаат во август. Во меѓувреме Манческа им закажувала дополнителна настава.
„Од сите закажани термини се појавија само еднаш и сами не знаеја за што се дојдени и се брзаа да си одат бидејќи ќе немало превоз. На испитот и покрај желбата да положат учениците не знаеја ништо ни реченица да кажат а не па да напишат равенка или формула“.
Друга професорка од комисијата им пишала двојки, очекувале Манческа да го потпише тоа. Притискал и директорот со „аргументот“: „на колку ученици без да знаат му сме пишале двојки“.
И дека заради кецовите немаат ученици.
„Си го напишав отказот затоа што сметам дека образованието е паднато на дното. И дека не е проблемот во учениците туку во професорите и претпоставените лица што наредуваат да мора да се пишат оценки а најповеќе ургенциите од родителите“, ја цитира во својата колумна пензионираниот Виш државен просветен инспектор, Ѓорѓи Илиевски.

извор