Вести › Набрзинка

За Роко македонското обвинителство не е заинтересирано?

30 ноември 2022

Роко се викал македонскиот државјанин кој, според изјави дадени во Специјалниот суд во Белград, наплаќал по 30.000 евра за македонски пасош, јавуваат српскиод сведочењето на сведок во судскиот процес против Веља Невоља и кавачкиот клан.
Во Македонија, судскиот процес за оваа афера со издавање 215 македонски пасоши на познати бандити, наркобосови, криминаци, убијци и шефови на кланови, заврши само со пресуди за неколку службеници во МВР.
Судијката која го судеше овој случај, Оља Ристова во август изјави дека очекувала дека обвинителството ќе продолжи со предистрага и истрага за организаторите на криминалната шема на издавање пасоши.
Од обвинителството за МКД.мк тогаш потврдија дека не се води постапка бидејќи нема докази против лица кои биле организатори во шемата.

извор

500 француски школи се затворени поради протестите

5 октомври 2026

Околу 500 средни училишта во Франција се затворени заради протестите на учениците во нивните лицеи кои минатите денови знаеја да бидат и насилни.
„Безбедносните услови не се исполнети“ гласи официјалната причина за неработењето, особено што за утре се најавени и помасовни протести.
24 училишта биле запалени или ограбени а 78 вработени повредени од почетокот на протестите.
Тинејџерите од француските средни училишта се жалат на чести отсуства од работа од страна на наставниците, предолги училишни денови и дотраени објекти. Тие протестираа и поради недостатокот на соодветно ладење во жешките летни денови.

извор

Владимир Крстевски: Цена? Права ситница!

5 октомври 2026

Во еден од становите на пониските катови живее една мајка со нејзините два сина. Таа е одамна изморена, со длабоки бразди околу очите и раце што ги носат сите белези на десетлетија поминати во грч. Мајка која предолго молчи и премногу простува.
Едниот син, љубимец на одамна починатот татко, е локалниот маалски лик. Фаворизиран, а всушност полуписмен, но неверојатно гласен. Другиот син е негов антипод. Тивок човек, грижлив, трпелив и необично мудар за своето време.
На најгорниот кат, во пространиот, совршено осветлен пентхаус, живее еден Господин. Води ексклузивен, привилегиран социјален клуб за одбрани станари. Сака сите станари од зградата конечно да станат дел од тој клуб, за да се создаде една „елитна заедница“, отпорна на провинцијализам и мирис на евтина кујна.
Господинот е врвен пресметлив манипулатор. Проценувајќи го секој стан одделно, тој прави непогрешлива дијагноза и за ова семејство. Истрајниот, син е премногу горд и проницлив, не подлегнува лесно на уцени, заклучува тој. Затоа, својата стратегија ја насочува кон попречниот, плиток и поткуплив син, зависникот.
Господинот знае дека корисниот идиот е најкорисен кога не е свесен за сопствениот идиотизам па затоа смислено го велича, му подидува и го бодри.

извор