- Јасно е дека технолошките фирми сакаат да бидат напред ама овие малку ја претераа.
- За што се работи? Тркнете на долниот линк (извор), почнете да се регистрирате или барем во менито на државите пробајте да ја најдете Македонија, во која било именична форма или агрегатна состојба.
- Патем, лани во октомври, владиниот генерален секретаријат потпиша тригодишен договор за софтверски лиценци за кој ќе пукнеме 24 милиони евра.
- Ама, ете, не нема.
- Американците имаат сè понегативни ставови за Израел и за премиерот Бенјамин Нетанјаху, според новото истражување на центарот Пју. Анкетата спроведена во март покажува дека 60% од возрасните во САД имаат неповолен став за Израел, во споредба со 53% минатата година.
- 28% од возрасните Американци имат „многу неповолен“ став за Израел. Тоа е за 9% повеќе од лани и речиси тројно повеќе отколку во 2022 година.
- Впечатлива е разликата во довербата на републиканците за политиката на израелскиот премиер. Меѓу оние на возраст над 50 години, 58% се убедени дека Нетанјаху носи правилни одлуки, а од помладите му веруваат само 30%.
- Повеќе од половина од Американците (55%) немаат доверба дека претседателот Доналд Трамп прави добри одлуки кога станува збор за односите меѓу САД и Израел. Овој процент е речиси непроменет од август 2025 година.
