Вести › Набрзинка

За функционерите нема ново покачување на платите, старото им останува

29 февруари 2024

Со намалување на коефициентите според кои што се пресметуваат платите на функционерите, тие следниот месец нема да добијат покачување од околу 15 отсто на платите, откако минатата година со одлука на Уставниот суд им пораснаа платите за 78 отсто.
Со законските измени се опфатени околу 1.060 избрани и именувани лица. Овие законски измени не спречуваат ново покачување на функционерските плати при следните усогласувања со просечната плата.
Вчера, Собранието ги усвои измените на Законот за аудио и аудиовизуелни медиумски услуги, со кои што се враќаат државните пари за приватните телевизии, законски укинати во 2018 година. Со измените, 0,1 отсто од државниот буџет од даночните приходи ќе се трошат на реклами во приватни телевизии, што е околу 2,3 милиони евра.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор