Вести › Набрзинка

За анали: Една Дуковска искара еден Бектеши што не користи Северна

26 јули 2023

Новинарката Александра Дуковска грубо го искара министерот Крешник Бештеши зошто кажал Република Македонија а не Северна Република Македонија.
Зошто ја ословувате како Република Македонија, која ви е таа држава? – инсистирала спомнатата.

извор

Палестинците потиснати на 30% од Газа

1 мај 2025

Откако пред шест недели израелските сили ја продолжија војната во Газа, тие им забранија пристап на Палестинците на 70% од територијата на енклавата, објавија Обединетите нации.
Уште при договорот за примирјето Израел прогласи за безбедносна зона територија од 700 до 1.000 метри од границата. Тоа е околу 17% од вкупната површина на палестинската енклава.
По прекинувањето на примирјето, безбедносната зона беше проширена, а воведена е и кај Рафах, на границата на Газа со Египет.
Со секоја нова акција, израелските сили им наредуваат на Палестинците да се евакуираат од територија што ја прогласуваат за борбена зона. Раселени се 420.000 Палестинци, тврди Канцеларијата на ОН за координација на хуманитарни работи.
Во војната во Газа загинаа повеќе од 52.000 Палестинци, претежно цивили. Судирите почнаа откако терористи на Хамас упаднаа на израелска територија и масакрираа повеќе од 1.200 луѓе.

извор

Жителите ќе решат: Волгоград или Сталинград

1 мај 2025

Рускиот претседател Владимир Путин нема ништо против Волгоград да си го смени името во Сталинград, но остава тоа прашање да го решат жителите.
Градот на Волга во 1589 година бил основан како Царицин, а во 1925 бил преименуван во Сталинград, во чест на советскиот лидер Јосиф Сталин. Во периодот на „десталинизација“ во 1961 година тогашниот советски лидер Никита Хрушчов му го смени името во Волгоград.
Путин изјави дека градот историски се поврзува со Сталинградската битка, најкрвавата во Втората светска војна и клучна за поразот на нацистичка Германија. Црвената армија победи по цена од 1 милион жртви.
„Има логика. Ако ја тргнеме на страна идеологијата, името секако се поврзува со победа. Но, мора да разјасниме што мислат мнозинството жители“, изјави Путин.
Пробен балон е промената на името на аеродромот. Гувернерот Андреј Бочаров, по барање од воени ветерани, му го врати името „Сталинград“. Путин веднаш го потпиша декретот: „Нивниот збор за мене е закон“.

извор