Вести › Набрзинка

Во земјата на литиумот пропадна воен удар

27 јуни 2024

Боливискиот претседател Луис Арсе го разреши шефот на боливиските вооружени сили, генерал Хуан Хозе Зуниг, обвинувајќи го за обид за државен удар по што генералот беше уапсен.
Претходно, армијата под команда на Зуниг донесе оклопни возила и војници на централниот градски плоштад во Ла Паз во обид да изврши државен удар и да упадне во претседателската палата.
Таму се соочи со претседателот:

Нов командант на војската е Хуан Вилсон Санчез кој положи заклетва за лојалност и веднаш ги повика војниците да се повлечат во своите касарни:

BREAKING: Bolivia’s president has just sworn in a new head of the Armed Forces amid the attempted coup in the country.

His first act was to order all troops to stand down and return to their barracks.

Outside, the rebellious troops are now withdrawing from the area. pic.twitter.com/BARPNBbAC5
— Wyatt Reed (@wyattreed13) June 26, 2024

Социјалистичкиот претседател доби поддршка од неговиот претходник и лут ривал за контрола врз бладеачката партија Ево Моралес, како и од првите луѓе на Чиле, Мексико, Куба, Венецуела и Бразил.
Два „тину-нину“ момента:
1. Боливија држи 24% од светските резерви на литиум.
2. Пред неколку недели Арсе отпатува за Санкт Петерсбург каде со рускиот претстедател Владимир Путин договорија неколку важни енергетски и технолошки проекти како и иницијативи од областа на здравството и образованието.

извор

Питер Тил се мисли поголем милијардер од Папата

5 јули 2026

Милијардерот и технолошки магнат Питер Тил го обвини папата Лав XIV дека делува како „кинески комунистички агент“ застапувајќи се за регулирање на вештачката интелигенција во неговата серија предупредувања и предвидувања за иднината на вештачката интелигенција и западната цивилизација.
Ко-основачот на Пејпал и Палантир предупреди и на опасност од „социјалистички преврат“ во Демократската партија на САД.
Питер Тил беше еден од првите кои го поддржуваа Доналд Трамп а беше и ментор на кариерата на ЏејДи Венс.
Смета дека со тоа што бара меѓународна регулација на вештачката интелигенција, Папата се става во служба на кинеските интереси.
Во есеј од 2009 година, Тил напиша дека слободата и демократијата не се компатибилни а дека женското право на глас ја направило „капиталистичката демократија“ оксиморон. Ја финансираше кампањата на Халк Хоган против Гавкер (по која медиумот банкротираше) зашто го пишуваа дека е геј.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор