Вести › Набрзинка

Во Скопје 4 вработени издаваат 2,1 документи месечно, во Охрид 0,08

2 мај 2023

До неодамна, канцелариите „Една точка за услуги“ (Дамјан Манчевски, Зоран Заев) кои беа отворени во Скопје, Куманово, Охрид, Битола, владини функционери ги промовираа како „успешен проект“дури и пред претставниците од другите држави.
Порталб.мк докажува каков крах е овој проект, преку кој за една година се издадени само 1.062 документи низ цела држава.
Во Скопје: 4 вработени имаат издадено по 25,5 документи за една година или 2,1 документи месечно.

Во Тетово: 9 вработени имаат издадено по 16,2 документи годишно или 1,3 документи месечно.

Во Куманово: 6 вработени имаат издадено по 35 документи годишно или 2,9 документи месечно.

Во Битола: 5 вработени имаат издадено по 120 документи годишно или 10 документи месечно.

Во Охрид: 4 вработени имаат издадено по 1 документ годишно или 0,08 документи месечно.

извор

Трамп ја измислил заканата дека Иран прв ќе ги нападне САД

2 март 2026

Офицери од Пентагон признале пред Конгресот дека немало разузнавачки информации што укажувале дека Техеран планирал прв да ги нападне американските сили во регионот.
Функционерите на брифинзите потврдиле дека балистичките ракети и силите на Иран во регионот претставуваат „непосредна закана за интересите на САД“, но немало разузнавачки информации што би го поткрепиле аргументот на Трамп дека Техеран планирал да го зададе првиот удар, па затоа одобрил „превентивни напади“ врз Иран.
Трамп, исто така, тврдел дека Иран е „на добар пат“ наскоро да обезбеди капацитет да ги нападне САД со балистички ракети. „Неговото тврдење за проектилите не беше поткрепено со извештаи од американските разузнавачки служби и се чинеше преувеличено“, изјавија за Ројтерс извори запознаени со брифинзите.
Трамп синоќа објави дека нападот врз Иран, за кој очекува да трае 4-5 недели, имал за цел „да осигури дека Иран нема да може да има нуклеарно оружје, да ја ограничи својата ракетна програма и да ги елиминира заканите за САД и нивните сојузници“.
Тој потврди дека при иранските напади врз американските бази во регионот загинале тројца војници и додаде: „За жал, веројатно ќе има уште пред да заврши. Така е. Веројатно ќе има уште“.

извор

Ирански дрон погоди британска база на Кипар

2 март 2026

Иранско беспилотно летало ја погодило британската воздухопловна база Акротири на Кипар. Штетата била ограничена и немало жртви.
Британија го задржува суверенитетот над две бази на Кипар, кој е членка на Европската Унија.
Премиерот Кир Стармер претходно изјави дека Британија се согласила со барањето САД да ги користи британските воени бази Ферфорд во Англија и Диего Гарсија во Индиски Океан за „одбранбени“ напади врз ирански цели. Стармер додаде дека Британија не се придружила во офанзивни акции врз Иран, затоа што „ги научила лекциите од вклучувањето во американската војна против Ирак“.
Откако беше нападнат од САД и Израел, Иран возврати со напади врз американски бази во Бахреин, Кувајт, Катар, Обединетите Арапски Емирати и Јордан, како и врз Израел.

извор