Вести › Набрзинка

Во право е Меџити за странците

9 јуни 2023

Косовските граѓани ќе се лекуваат по исти цени како и македонските државјани, тие не се странци во Македонија, порачал министерот за здравство Фатмир Меџити.
„Косовските граѓани плаќаа двојни цени и тоа само во јавното здравство, а не во приватното. Дадовме наредба ова да се израмни и да има исти цени како за државата, бидејќи всушност не доаѓаат странци во Македонија, тие се од Косово“.
Меџити преземал мерки и за граѓаните од Албанија кои ги посетуваат болниците во охридскиот регион“.
Има некој во таа измеќарска влада да му го објасни на Меџити поимот „странец“? Ковачевски? Маричиќ? Оливер Спасовски? Ристо Пенов? Славјанка?
Но, да се вратиме на насловот. На Фејсбук добро го убоде Умејр Муамеди: Министерот е во право, реално, странци во Македонија се Македонците.

извор

За Данела 24-часовно полициско обезбедување, за напаѓачот куќен притвор

12 јули 2025

Министерството за внатрешни работи одобри 24-часовно обезбедување на градоначалничката на Скопје Данела Арсовска, откако таа беше нападната на Бит Пазар при увид на дивоградба спроти Полициската станица во Чаир.
„Со оглед на безбедносната проценка направена од АНБ, градоначалничката Арсовска, како носител на јавна функција, ќе биде под 24-часовна полициска заштита, со цел да ѝ се обезбеди лична сигурност и непречено извршување на нејзините обврски“, соопшти министерството.
Основниот кривичен суд Скопје му одреди осумдневен куќен притвор на С.Љ. – осомничен за физички и вербален напад врз градоначалничката на Град Скопје, Данела Арсовска. Обвинителството бараше да му биде одредена мерка ефективен притвор.
На второосомничениот – исто така со иницијали С.Љ. – Судот му одреди мерки на претпазливост, како што бараше скопското обвинителство.

извор

Чаирски силеџија ја нападнал градоначалничката на Скопје

11 јули 2025

Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.

Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.