Вести › Набрзинка

Во четири лаборатории, граѓаните лани оставиле 21 милион евра

15 април 2022

Во екот на пандемијата, термини во државните лаборатории немаше и граѓаните беа принудени да плаќаат приватно. Препораката на лекарите беше почесто контролирање на дидимери, а тоа значеше дека болните од Ковид-19 неколку пати мораа да посетат приватна лабораторија.
21 милион евра е вкупниот прииход на Авицена, Биотек, Никоб Лаб и Синлаб, додека нивната вкупна нето-добивка е околу 7,8 милиони евра.
Од минатата година кон приватните лаборатории се придружи и „Никоб лаб“ и она што беше карактеристично за оваа лабораторија е што на самиот старт на работа понуди пониски цени отколку другите.

извор

Ништо од самитот Трамп-Путин

22 октомври 2025

Нема да се одржи најавениот самит помеѓу претседателите Доналд Трамп и Владимир Путин во Будимпешта бидејќи Русија не отстапува од своите „максималистички“ барања за војната во Украина.
Својот став Москва го објаснила во документ испратен до Вашингтон за време на викендот. Путин понудил Русија да ѝ врати на Украина делови од регионите Херсон и Запорожје, во замена за преземање на целата територија на Доњецк. Руските сили сега целосно го контролираат регионот Луханск и 75% од Доњецк. Трамп побара итен прекин на огнот и „замрзнување“ на сегашната линија на фронтот додека се преговара за мир.
Шефовите на дипломатиите Марко Рубио и Сергеј Лавров во телефонски разговор заклучиле дека контактите ќе продолжат, но дека нема потреба од директна средба на претседателите. Лавров потврдил дека Москва не се откажува од намерата да го преземе целиот Донбас – со војна или со преговори - и се противи на договор што би опфаќал какво било испраќање трупи од НАТО во Украина.
„Не сакам да имаме неуспешна средба. Има развој и ќе ве информираме за него во следните два дена“, изјави Трамп.

извор

Павел Дуров би го откупил пленот од Лувр

21 октомври 2025

Павел Дуров, еден од основачите на популарната апликација Телеграм, понуди откуп за францускиот кралски накит што пред некој ден беше украден од парискиот Лувр. Артефактите ќе ги подари на музејот што Лувр го отвори во Абу Даби.
Четворица крадци во неделата провалија во најпознатиот музеј во Париз и избегаа со осум артефакти со непроценлива вредност - ѓердани, обетки и тијара на кралското семејство од 19-ти век.
„Со задоволство би го откупил ограбениот накит и би му го вратил на Лувр. Мислам на Абу Даби, се разбира, никој не краде од Лувр во Абу Даби“, порача рускиот милијардер, кој сега живее во Дубаи.
„Грабежот воопшто не ме изненадува. Тој е уште еден тажен знак за пропаѓањето на некогаш великата земја, во која владата ги усоврши фантомските закани за луѓето, наместо да се соочи со вистинските закани“, додаде Дуров.
Тој неодамна го обвини Париз дека настојува да наметне политичка цензура на Телеграм. Лани беше приведен на аеродром во Париз под обвинение дека од платформата не отстранил „нелегална содржина“.

извор