- Актуелни во изминатиов период беа реконструкцијата на Македониумот во Крушево, загадувањето на водата во Гостивар и неодамнешното невреме во Скопје – три ситуации кои немаат ништо заедничко освен образецот по кој институциите реагираат, или требалo да реагираат за да ги превенираат последиците.
- Образецот ни открива дека кога треба да се реши нешто навистина важно, системот е бавен и неодлучен, а често и самиот е предизвикувач на одреден проблем. Од друга страна, кога треба да се најде формална причина нешто да не помине, одеднаш истиот тој систем станува неверојатно прецизен.
- Кога културно добро со децении пропаѓа – институциите спијат. Кога милиони евра се вложуваат во водовод, а тој сепак не функционира како што треба – институциите спијат и измислуваат „генијалности“. Кога градот по невреме изгледа полошо отколку што треба – институциите сѐ уште спијат: не чув дали некому му била пратена инспекција за да ги провери сертификатите за лимовите што одлетаа и можеа да отепаат човек.
- Бесполезна е строгоста кон неважното, додека постои попустливост кон суштинското. Вистински строги институции не бараат влакно во јајце. Тие не дозволуваат водата да биде загадена, наследството да пропаѓа и градот да остане неподготвен. Нам ни требаат токму такви институции – не построги кон граѓаните, туку построги кон самите себе.
- Германскиот автомобилски гигант Фолксваген објави дека ќе укине уште 50.000 работни места до 2030 година - вкупно 100.000 заедно со оние што ги најави претходно.
- Причините се американските царини и силната конкуренција од кинеските ривали.
- Ќе се преполови бројот на модели на автомобили што ги произведува групацијата.
- Во следните осум години може да бидат затворени четири производствени погони во Германија - во Хановер, Емден, Цвикау и Некарсулм.
- Намалувањето од 100.000 работни места, односно 15% од вкупно 650.000 вработени во групацијата, е најголемо реструктуирање некогаш спроведено во глобалната автомобилска индустрија.
- САД сè уште не презеле одговорност за ракетниот напад врз свадба во вторникот во иранското село Кухестак, близу Ормускиот проток, во кој загинаа пет лица, а над 70 беа ранети. Наводно била гаѓана комуникациска кула оддалечена 135 метри од местото на свадбата.
- „Го истражуваме (нападот) бидејќи, секако, се грижиме. Сакаме да дознаеме... Кога нашата војска прави грешки, таа учи од нив за да се подобри“, изјави потпретседателот Џеј Ди Венс, додавајќи дека САД „никогаш не гаѓаат цивилни цели“.
- Техеран го смета инцидентот за воено злосторство, исто како и американскиот напад со проектили во училиштето во Минаб на првиот ден од војната, кога загинаа 175 луѓе, претежно деца.
- Повеќе од шест месеци Вашингтон не ја презел одговорноста за нападот врз Минаб, иако стручни анализи потврдија дека американските проектили во два брана намерно биле истрелани кон училиштето во време на настава. Неофицијални извори велат дека внатрешната истрага на Пентагон уште во март ја потврдила одговорноста, но сè уште нема официјални извештаи.
- За нападот врз свадбата, САД разгледуваат дали жртвите биле предизвикани од американска ракета, од рикошетирање или од иранска пресретнувачка ракета. Четворица воени експерти за Ројтерс оценија дека снимките од оштетувањата укажуваат на директен погодок од американско оружје, а не залутана иранска ракета.
