- Иако во тешка здравствена состојба, папата Франциско пред неколку дена го потпиша декретот за прогласување на Хозе Грегорио Хернандез за светец, прв од Венецуела.
- Го викале „докторот на сиромашните“. Роден е во 1864 година, студирал медицина во Париз, Берлин, Мадрид и Њујорк а потоa се вратил кај сиромаштијата во Каракас. Таму и го завршува животот во 1911 година, откако го удрила кола. На прсти се броеле автомобили кое во тоа време ги имало во Каракс.
- Чудото кое му се препишува и подлежи на докажување а е неопходно за беатификација е опоравувањето на едно 10 годишно девојче кое било застрелано во глава.
- Кога папата Јован Павле Втори ја посети Венецуела во 1996 година, му беше предадена петиција за канонизирање на обожуваниот венецуелски доктор со 5 милиони потписи. Франциско го прогласи и Јован Павле за светец во 2014 година.
- Европската Унија е во завршна фаза на дизајнирањето на нејзиниот досега најобемен пакет санкции против Русија, насочен кон енергетски компании и шест руски банки.
- Се дознава дека во новиот пакет, ограничувањата ќе се прошират на руските мрежи за плаќање и кредитни картички, берзите за криптовалути и ќе воведат построги ограничувања за извозот на нафта во земјата.
- Мерките претставуваат значително заострување на напорите на ЕУ, во координација со Вашингтон, да ја осакати руската економија и да ја намали поддршката за претседателот Владимир Путин.
- Наспроти претходните 18 рунди санкции, руската воена економија успева да расте со повеќе од солидни стапки: 4,1% и 4,3% во 2023 и 2024-та.
- Не е прашање дали ќе се декласифицираат материјалите, вистинското прашање е како да ги спречиме злоупотребите и повеќе тоа да не се повтори. Тоа ќе се случи само кога ќе има одговорност. А одговорност мора да има, порача премиерот Христијан Мицкоски од свеченоста по повод Денот на независноста.
- Една иста структура, речиси исти луѓе и оперативци, блиски до минатата власт, оперираат со системот. Со ваквите чекори се удира по основите на демократијата, се удира по уставниот поредок, а последиците на таквиот извитоперен систем не само што уништуваат генерации луѓе, туку и ја доведуваат во опасност целата држава, каде на тацна го ставаат безбедносниот систем. Ваквите удари уништуваат и човечки судбини, најчесто и измислувајќи ситуации, контакти, додавајќи работи кои не постојат. За ова сум сведок и јас лично, гледајќи го материјалот од моето следење – рече Мицкоски.
- Премиерот кажа дека сите материјали се предадени во обвинителството и дека и покрај сомнежите во нивните капацитети и ниската доверба во нив, овој случај ќе го следат одблиску.
- Само да знаат – оваа работа нема да се стави под тепих. Ова е прашање на опстојување на државата– порача Мицкоски.
