Вести › Набрзинка

Велешани заборавиле како се оди во кино

20 мај 2024

После дупка од две децении, Велес лани доби кино. Бадијала.
Во просек секоја кино проекција ја гледале само 15,5 гледачи, а секој прикажан филм само по 113,8 гледачи.
„Очигледно дека паузата од безмалку две децении без редовна кино прикажувачка дејност во градот, остави силна трага во навиките на велешани да гледаат филмови. Ниту најновите светски хитови не се предизвик да се посети киното. Во однос на реакциите на некои граѓани за цената на билетот која е 200 денари, таа и иста во сите кина во Македонија“, велат ретките кино вљубениците од Велес.

9 јули 2025

Со 461 глас за, 121 против и 107 воздржани, Европскиот парламент го усвои извештајот на Томас Вајц за напредокот на Македонија, но откако од документот беа отфрлени зборовите „македонски идентитет“ и „македонски јазик“.
На отстранување на сите референци за македонски идентитет и јазик инсистираа трите најголеми политички групи и европратеници од Бугарија и од Грција.
Документот на европратеникот од Австрија ги опфаќа клучните предизвици на Македонија на патот кон ЕУ и препораки за напредок во владеењето на правото, борбата против корупцијата, реформата на јавната администрација и зајакнување на демократијата.