Рамковниот договор не е мировен договор; тој, како и Дејтонскиот, беше договор за прекин на огнот. Тој божемен договор беше наметнат однадвор и не беше резултат на преговори меѓу страни во судир. Странците ги застапуваа интересите на ДУИ (во тоа време на „терен“ и во заседи) и зборуваа дека „Уставот мора да се смени“ за да има мир.
Ова што сега го слушаме од Бугарија, а до завчера од Грција, е само ехо на таа прва сериозна уцена: или устав или војна!
Тој договор зборува за граѓанско општество, а го оневозможува; зборува за унитарна држава, а воведе федерализација; вели дека насилството е неприфатливо како метод за политички промени, а нам постојано ни се закануваат со насилство за да направиме ваква или онаква отстапка.
Македонија не само што не е успешна приказна туку е и незавршена приказна.
Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.
Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.
Наспроти ниската стапка на наталитет во речиси сите членки, Европската Унија сега има рекордно висок број жители поради „зголемените миграторни движења“ по пандемијата на ковид во 2021 година, покажуваат најновите статистички податоци.
„Од 2012 година наваму негативниот природен прираст во ЕУ е помал од позитивната миграција“, наведува Еуростат.
На почетокот на годинава ЕУ имала 450,4 милиони жители, што е апсолутен рекорд. Тоа е за околу 1 милион повеќе во споредба со 2024 и четврто по ред зголемување од година на година.
Од 1960 година населението на ЕУ се зголемило за 95,9 милиони, главно поради проширувањето со нови членки.
Денес најмногу жители има Германија (83,6 милиони), а најмалку Малта (0,6 милиони). Речиси половина од населението е концентрирано во Германија, Франција и Италија.
