Вести › Набрзинка

Ванковска: Клуч за УКИМ!

6 јуни 2022

Се соочивме со фактот дека нашата „опиеност“ со сопственото значење се судри со актуелната власт, но и со јавноста, која не само што не покажа разбирање туку покажа и злорадост („да им се покаже на тие (лоши) професори каде им е местото“).
Уште самокамшикување недостигаше пред циничните новинарки, кои се потсмеваа спомнувајќи го „Шангај“, без абер да имаат за што зборуваат.
Колегите од Тетовскиот факултет се вџашени кога ќе слушнат за колку малку пари работиме на УКИМ.
Вистина е, на пример, дека Катица Јанева завршила Правен факултет на УКИМ, ама добила просек 6,00. Но тоа не им пречело на оние што ја избраа за специјална јавна обвинителка, и тоа на сметка на еден од најдобрите професори на истиот факултет.

извор

Путин бара на писмено дека НАТО нема да се шири на Исток

28 мај 2025

За да ја запре војната во Украина, претседателот Владимир Путин бара писмени гаранции од западните лидери дека НАТО ќе престане со проширувањето кон Исток. Тоа би значело крај на аспирациите на Украина, Грузија и Молдавија, како и на било кои други поранешни советски републики, да ѝ се приклучат на Алијансата.
Путин ги бара гаранциите на писмено, за да не ја повтори грешката на советскиот лидер Михаил Горбачов од 1990 година, кој поверувал на вербалните гаранции од тогашниот американски државен секретар Џејмс Бејкер дека НАТО нема да се шири кон Исток.
Другите услови на Путин се Украина да биде неутрална; да има безбедносни гаранции за Русите во Украина; Западот да ги укине санкциите за Москва и да ѝ ги одмрзне заробените средства.
„Ако Путин сфати дека не може да издејствува мировно решение според сопствените услови, тој со воени победи на фронтот ќе настојува да им докаже на Украинците и на Европејците дека мирот во иднина ќе им биде уште потежок“, изјавил извор на Ројтерс.

извор

Функционери како непријавени газди на фирми

28 мај 2025

41 од анализирани 360 поранешни и сегашни функционери, се вистински сопственици во некоја фирма.
23 од овие функционери целосно или делумно ги сокриле своите удели во фирми кога доставувале изјава за интереси до ДКСК.
Тоа укажува дека нема соодветна проверка и верификација на точноста на податоците и во Регистарот на вистински сопственици, и во изјавите за интереси што избраните и именуваните лица ги доставуваат до ДКСК.
Фирми во сопственост на градоначалници и поранешни министри добивале договори за јавни набавки, концесии и лиценци доделени од државни институции.

извор