- „Јас не сум член на партија, но веќе се почувствував како дел од овој тим. Јас сум левичар, таквите мои левичарски погледи никогаш не ги криев. Како професорка, моја специјалност се политичките системи, меѓународната безбедност, демократската контрола на безбедносните структури. Тоа мое знаење е и тоа како е соодветно за моменталните состојби во Македонија“, изјави професорката Билјана Ванковска.
- Таа пред десет години беше независен кандидат за претседателската функција но вели дека оттогаш многу нешта се променија и нема да бидам политичка манекенка или случаен минувач на изборите.
- „Имам голема самодоверба бидејќи ова е вистински тим, дел од овој тим беше дел од мојот тим пред 10 години. Таа генерација на млади и борбени личности направи политичка партија за респект. За 10 години, Македонија е сѐ што немаме. За 10-те години, Македонија е во многу лоша ситуација“, рече кандидатката од Левица.
- Билјана Ванковска е доктор на политички науки, редовна професорка на Филозофскиот факултет во Скопје а професор е и на Европскиот мировен универзитет во Шлајнинг – Австрија. Важи за една од најрелевантните колумнистки на македонскиот медиумски простор.
- Американскиот потпретседател ЏД Венс изјави дека Русите не можат да постигнат речиси ништо во офанзивните операции на фронтот, ниту пак Украинците можат со своја контраофанзива да ги ослободат окупираните територии.
- „Русите плаќаат висока цена за секој квадратен километар што го освојуваат. Сега се во ситуација каде што шансите да постигнат нешто преку продолжени офанзивни операции се занемарливи и се приближуваат кон нула. Ова би можело да го создаде просторот што ни е потребен за да го донесеме ова прашање до крај“, изјави Венс во интервју за Сандеј тајмс.
- Фронтот, според него, е замрзнат затоа што САД и НАТО ја охрабриле Украина да се фокусира повеќе на одбраната и на исцрпување на Русија отколку да почне скапи офанзиви за освојување на окупираните територии.
- „Ако се сеќавате на летото 2023 година, главниот спор беше дали Украина треба да се обиде со голема контраофанзива. Речиси целиот западен свет, вклучувајќи го и претседателот Бајден, извршија притисок врз Украинците да почнат масовна контраофанзива, што подоцна се покажа како стратешка и тактичка катастрофа“, потсети Венс.
- Иран не може да најде доволно купувачи за својата сурова нафта пред да истече рокот за слободен извоз од 60 дена, согласно Меморандумот за разбирање со САД.
- Техеран на 1 јули соопшти дека испорачал над 40 милиони барели сурова нафта откако САД ја укинаа поморската блокада. Но, повеќе од 20 милиони барели се во азиските води подолго од седум дена, што е зголемување од речиси 18% во однос на претходната недела.
- Според извори на Блумберг, јасна дестинација немаат 90% од танкерите на кои се натоварени 58 милиони барели иранска нафта. Официјално се водат како „за нарачка“ или пловат кон Сингапур, со надеж дека ќе договорат извоз.
- Главна причина е намалената побарувачка на големиот азиски пазар, кој очекува испорака на нафта од другите земји од Персискиот Залив. Кина, најголемиот увозник на иранска нафта пред војната, го преполовила увозот на 654.000 барели. Само еден ирански танкер истоварил нафта во Кина во изминатата недела. Индија чека конечен договор и целосно укинување на санкциите за да прави долгорочни нарачки.
- Ограничувањата на Европската Унија и Британија сè уште се на сила. „Купувачите остануваат претпазливи дека Вашингтон би можел повторно да воведе санкции ако преговорите пропаднат“, изјави американскиот министер за финансии Скот Бесент.
