Професорката Билјана Ванковска одговори на забелешката на Бранко Героски дека против луѓето кои застанаа зад прогласот за Бугарија застанале различни луѓе (Миленко, Тричко, Ненад Јовановиќ...) меѓу кои и таа.
„Јас не знам како реагирале другите од групата во која ме ставил (во која нема ЕДЕН кој не ме плукал и клеветел), но знам дека имам аргументи зошто ова ребрендирање и гледање на едно око (Преспа е добра, само Софија не чини) нема да даде никаков резултат“.
„Ако треба и сама ќе бидам против, ама Преспа не ја простувам: свесно поддржаа велепредавство!“
Украинскиот државјанин Серхиј К. е уапсен во Италија поради сомневање дека ги координирал нападите врз гасоводите Северен Тек 1 и 2 во Балтичко Море во 2022 година.
Експлозиите на гасоводите за транспорт на руски гас до Германија и денес се мистерија. Никој никогаш не ја презел одговорноста. Москва и Западот меѓусебно се обвинуваат за саботажа. Украина категорично отфрла одговорност.
„Бомбашките напади врз гасоводите мора да се расчистат. Добро е што напредуваме во таа насока“, изјави германската министерка за правда Штефани Хубих.
Германските обвинители тврдат дека Серхиј бил дел од групата што ги минирала гасоводите на дното на Балтикот близу данскиот остров Борнхолм во септември 2022 година. Тие тргнале од Рошток со јахта што ја изнајмиле со фалсификувани документи.
Серхиј се соочува со обвинувања за противуставна саботажа и уништување витална инфраструктура. Германските обвинители распишаа меѓународна потерница и по друг член на саботерската група, идентификуван како Володимир З.
Со специјална проекција под ѕвездено небо на „Руфтоп опен ер синема“ во организација на Скопје сити мол и Синеплекс и во соработка со Кинотека на Македонија, синоќа беше одбележан големиот јубилеј – 20 години од премиерата на култната македонска црна комедија „Балканкан“ по сценарио и во режија на Дарко Митревски.
На настанот присуствуваше дел од филмската екипа, актерите Владо Јовановски, Ѕвезда Ангеловска, Ирена Ристиќ, Емил Рубен, ѕвездите од К15 – Васко Тодоров и Бранко Огњановски, сценографот на филмот Бујар Муча, костимографката Жаклина Крстевска, менаџерот на локации Роберт Јазаџиски и Зоран Ристески, продукциски менаџер, како и пријатели на филмот, и многу јавни личности од македонската сцена.
Режисерот Митревски, кој веќе 18 години живее и работи во Лос Анџелес и чиј филм ги урна сите рекорди на гледаност и ги обедини актерите од Македонија, Србија, Хрватска, Босна, Италија и Словенија, со видеопорака се обрати до присутната публика.
