Вести › Набрзинка

Уставниот суд го укина „балансерот“

9 октомври 2024

Уставниот суд реши да го укине „балансерот“ – алатката за вработување според национална припадност во државните институции. Одлуката нема да важи ретроактивно.
Предметот во Уставен беше оформен по иницијатива поднесена од стариот состав на Државната комисија за спречување на корупцијата (ДКСК), бидејќи оттаму сметаа дека преку алатката се прават злоупотреби при вработувањата.
ДУИ и Зијадин Села сметаат дека со укинувањето на балансерот се уништуваат меѓуетничките односи и темелите на Охридскиот договор а Изет Меџити од „Вреди“ оцени дека овој механизам е девалвиран, неговото време е завршено и со негово укинување Албанците во државава не губат ништо.

извор

Двоен аршин за поништување на изборите во Романија

22 мај 2025

Уставниот суд на Романија го отфрли како „неосновано“ барањето за поништување на претседателските избори поради мешање од странство и координирана манипулација.
Изборите ги обжали кандидатот Георге Симион, кој во вториот круг загуби со 54% наспроти 46% од градоначалникот на Букурешт, Никушор Дан по шокантен пресврт. Во првиот круг Симион освои двојно повеќе гласови од Дан.
Симион тврдеше дека во вториот круг од изборите се вмешале Франција, која побарала од социјалната платформа Телеграм „да ги замолчи конзервативните гласови“, и Молдавија, која издвоила 100 милиони евра за купување гласови.
Врз речиси идентична основа во декември беа поништени претседателските избори во Романија откако во првиот круг победи прорускиот кандидат Калин Георгеску. Разликата е што тогаш за надворешно мешање беше обвинета Русија.

извор

Застрелани службеници на израелската амбасада во Вашингтон

22 мај 2025

Двајца службеници на израелската амбасада во САД биле убиени со истрели од пиштол пред еврејски музеј во центарот на Вашингтон.
Напаѓачот е приведен и е идентификуван како Елијас Родригез (30) од Чикаго. Немал полициско досие.
По апсењето тој извикувал „Слободна Палестина!“.

„За омразата на радикализмот нема место во САД“, изјави претседателот Доналд Трамп, кој убиствата ги нарече „јасен акт на антисемитизам“.
Израелскиот премиер Бенјамин Нетанјаху нареди засилување на безбедноста на сите израелски дипломатски мисии низ светот.

извор