Вести › Набрзинка

Украина со дронови нападнала 15 руски региони, вклучително Москва

1 септември 2024

Руската противвоздушна одбрана ноќеска собори 158 украински беспилотни летала во 15 руски региони, вклучително и два над Москва, соопшти денеска руското Министерство за одбрана.
Најголем број беспилотни летала, 122, биле соборени над регионите Курск, Брјанск, Воронеж и Белгород, кои граничат со Украина.
Функционер од регионот на Москва изјави дека три беспилотни летала се обиделе да ја нападнат електраната на јаглен Кашира. Нема жртви и прекин на струјата се уште се доставува до корисниците. Руските новински агенции јавија и дека избувнал пожар во нафтената рафинерија Капотња, а градоначалникот на Москва Сергеј Собјанин изјави дека нема повредени или жртви.

22 ноември 2024

Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****