Вести › Набрзинка

Украина ја нападна Москва со 34 дрона

10 ноември 2024

Украина го изврши најголемиот напад врз Москва од почетокот на војната, прекинувајќи ги летовите на два аеродрома во руската престолнина.
Вкупно 34 беспилотни летала биле лансирани кон Москва, а руското Министерство за одбрана соопшти дека противвоздушната одбрана ги соборила сите над московскиот регион помеѓу 7 и 10 часот наутро.
Шрапнели од падот на дроновите предизвикале пожар во две куќи а една жена (52) е на интензивна нега заради изгореници на лицето, вратот и рацете.
Украинскиот напад привремено ги затвори Домодедово и Жуковски, два аеродрома кои го опслужуваат московскиот регион.

20 декември 2025

На 67-годишна возраст почина театарскиот, филмски и телевизиски актер Лазе Манасков, соопшти неговиот матичен Драмски театар од Скопје.
Манасков е во Драмски е од 1983 година, откако заврши на ФДУ во Скопје. Вечерашната изведба на претставата „Куршуми над Бродвеј“ ќе се одигра во негова чест, велат од театарот.
Ќе остане запамтен и по своите улоги во Исцелител, Сенки, Трст виа Скопје, Еурека, Солунски патрдии, Македонски народни приказни, Преспав, Пусто турско....

20 декември 2025

Драган Б (со точка) Костиќ, легендата на македонското радио водителство, почина денеска на возраст од 75 години.
Преку своите емисии на Македонското радио, Драган Б. Костиќ со децении ги промовираше во Македонија светските поп и рок хитови и беше лексикон за историјата на бендовите, пејачите, нивните песни и светските топ листи. Имаше една од најголемите колекции на плочи во Македонија.
Својата богата кариера ја почна уште во 1970-ите години и наметна препознатлив водителски стил во емисиите „Диско селектор“, „Радио урнебес“ и „Заборави ако можеш“, а подоцна и „Кавервил“, „Чартфајл“ и „Б со Точка“. Автор е на проектот „100 приказни за 100 песни“.
На крајот од минатата година го имаше својот проштален диџеј настап „Последен танц“, со кој ја заокружи својата кариера од половина век.