„врховниот суд (ќе користам мали букви заради целосно отсуство на почит!), случајно и несвесно ми даде, како претседател на САД, многу повеќе овластувања и сила отколку што имав пред нивната смешна, глупава и  меѓународно раздорна пресуда“, напиша Трамп.

Тој сега е убеден дека има лиценца да прави апсолутно „ужасни“ работи на странски земји, особено на оние земји што со децении ја ОГРАБУВААТ Америка.

„Судот ги одобри сите други тарифи, а ги има многу, и сега сите тие можат да се користат на многу помоќен и понепријатен начин, и тоа со правна сигурност“, смета Трамп. 

Судот гласаше 6-3 откако премеруваше дали Трамп имал овластување да ги наметне тарифите според законот од 1977 година што им дава посебни овластувања на врховните команданти во вонредни ситуации. Одлучи дека тарифите сепак мора да бидат одобрени од Конгресот.