- Администрацијата на Трамп активно планира повлекување на службениците за царина и гранична контрола што обработуваат меѓународни патници и товар од главните аеродроми во градовите што одбиваат да спроведат мерки за запирање на нелегалната имиграција.
- Министерствата за правда и за домашна безбедност како цели ги идентификуваа „Џон Ф. Кенеди“ и „Њуарк Либерти“ во Њујорк, „О'Хара“ во Чикаго, како и меѓународните аеродроми во Лос Анџелес, Сан Франциско, Денвер, Сиетл-Такома, Бостон Логан, Денвер, Филаделфија, Вашингтон Далес и Портланд.
- „Не треба да обработуваме меѓународни летови во нивните градови, во кои локалните радикални левичарски демократи не ни дозволуваат да си ја работиме работата и да ги спроведуваме федералните закони“, изјави секретарот за домашна безбедност Макрвеј Малин. Тој додаде дека одлуката не е конечна.
- Евентуалното затворање на овие аеродроми за обработка на меѓународни патници и товар ќе го загрози одржувањето на Светското првенство во фудбал, кое почнува во јуни и трае повеќе од еден месец. Во овој период во САД се очекуваат над 1 милион туристи и навивачи од странство.
- Туристичката асоцијација и авиокомпаниите жестоко го осудија предлогот. Предупредуваат дека тоа ќе предизвика масовни откажувања на летови, ќе создаде логистички хаос и ќе го уништи меѓународниот туризам и трговија. Само на трите главни аеродроми во Њујорк лани пристигнале повеќе од 50 милиони меѓународни патници.
- Иранските власти му наметнаа „невозможен избор“ на Трамп како да го претстави воениот пораз како победа и да ја заврши војната. Како услов за потпишување на „меморандумот за разбирање“ Техеран побара да му бидат ослободени 24 милијарди долари замрзнати во странство како дел од санкциите. 12 милијарди треба да му бидат дадени веднаш, а другата половина по 60 дена, ако се усогласат преостанатите детали од договорот.
- За Белата куќа ова не претставува трошок, бидејќи парите се ирански. Но, дилот би испратил контрадикторна политичка порака до американските гласачи: Трамп тргна во војна со Иран за да го собори режимот, а на крајот ќе мора да капитулира и да го „награди“ за да ја запре војната.
- Трамп нема ни капацитет да му ослободи толку многу пари на Иран. Само 2 милијарди од замрзнатите средства на Иран се во САД. Преостанатите (проценети на 100 милијарди долари) се чуваат на меѓународни банкарски сметки замрзнати од ОН. За да ослободи пристап до дел од нив, САД ќе мораат да ги укинат санкциите со Иран и да создадат механизам како овие пари да не завршат директно кај режимот и да не се користат за развој на нуклеарно оружје или за финансирање на проиранските вооружени групи на Блискиот Исток.
- Катарски дипломати интензивно работат на шема со која на Иран ќе му бидат ослободени 6 милијарди долари ирански средства префрлени од Јужна Кореја во Катар во 2023 година според договорот за размена на затвореници меѓу САД и Иран. Овие пари подоцна повторно беа замрзнати по нападот на Хамас врз Израел. Катар би можел да ги префрли парите на Иран и подоцна да добие надомест од САД.
- Легендарната југословенска марка автомобили Југо се враќа на пазарот речиси 20 години по завршувањето на производството.
- Лани во Германија беше презентиран новиот дизајн а актуелниот сопственик сопственик на марката, српскиот бизнисмен и универзитетски професор Александар Бјелиќ, обелодени нови детали ои најави дека првиот прототип ќе биде покажан на белградското ЕКСПО 2027.
- Новото Југо ќе има хибриден погон со технологија за продолжување на дометот (range extender), што значи дека моторот со внатрешно согорување првенствено ќе служи како генератор за производство на електрична енергија. Автомобилот нема да зависи од инфраструктурата за полнење и нема да има надворешен кабел за полнење.
- Потрошувачката на гориво би требало да биде исклучително ниска - во идеални услови само 2,2 литри на 100 километри.
- Предвидената цена му е 12.000 евра со што ќе биде еден од најевтините автомобили во Европа.
