- Претседателот Доналд Трамп го затвора Министерството за образование.
- Причината е заклучокот дека од основањето во 1979 година Министерството потрошило повеќе од 1.000 милијарди долари, а не се подобрени резултатите на учениците во основните предмети - читање и математика.
- „Експериментот со контролирање на американското образование преку федерални програми и долари ги изневери нашите деца“, пишува во заклучокот.
- Федералните пари задоволуваат само 10% од вкупните трошоци на училиштата во САД. Другите 90% се обезбедуваат сојузните држави и од локалните даноци.
- Врховниот суд на Косово ја потврди одлуката за забрана на носење хиџаб во училиштата, сметајќи дека е во согласност со кодексот на облекување утврден од Министерството за образование, наука, технологија и иновации.
- Со тоа судот ја отфрли тужбата од организацијата Арита која тврди дека забраната за носење шамија во јавните образовни институции е облик на дискриминација. Во нивната тужба се наведува дека бројни девојки биле исклучени од училиштата или им било забрането да посетуваат настава само затоа што носеле шамија.
- Исламската заедница на Косово своевремено остро се спротивстави на одлуката велејќи дека шамијата не е „религиозна униформа“, туку дел од религиозната обврска на секоја муслиманка.
- Претседателот Доналд Трамп им се закани на граѓаните на Њујорк дека ќе ги остави без федерални фондови ако го изберат Зохран Мамдани за градоначалник.
- „Ако комунистичкиот кандидат Зохран Мамдани победи на изборите, малку е веројатно дека ќе придонесувам со федерални средства, освен потребниот минимум, за мојот сакан прв дом. Не сакам да фрлам добри пари“, порача Трамп.
- Претседателот не решава колку пари кој град добива од федералната влада. Откако Белата куќа ја поништи одлуката за испраќање 34 милиони долари за Њујорк заради заштита од тероризам, федерален судија ја поништи блокадата, која ја оцени како „арбитрарна, каприциозна и грубо прекршување на законот“.
- Трамп ги повика њујорчани да го дадат својот глас за поранешниот демократски гувернер Ендру Куомо, кој настапува како независен кандидат, а не за републиканскиот Куртис Слива. „Секој глас за Слива е глас за Мамдани. Повеќе сакам да победи демократ, кој беше успешен, отколку комунист без искуство и со историја на целосен и тотален неуспех“, порача Трамп.
- Гласањето е денеска. Последните анкети покажаа дека рејтингот на Мамдани е 46%, на Куомо е 32%, а на Слива 16,3%.
