Вести › Набрзинка

Тесла вреди повеќе од сите автомобилски конкуренти заедно

13 декември 2024

На средината на оваа недела, акциите на Тесла на Волстрит пораснаа за 5,9 отсто, со што вкупната пазарна капитализација на автомобилскиот бренд достигна 1.360 милијарди долари.
За споредба, комбинираната вредност на 42 други производители на автомобили и групи кои имаат или неодамна имале значително производство на автомобили изнесува 1.260 милијарди долари.
Во изминатите шест месеци, цената на акцијата на Тесла се зголеми за 139 отсто.

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор

Поразите носат кавги: Фрчкоски - Пендаровски

10 ноември 2025

Љубомир Фрчковски го обвини Стево Пендаровски, дека „мешетари внатре во СДСМ“. – Ме чуди тоа што мешетари Стево Пендаровски. Нема потреба од тоа. А мешетари без везе…, рекол Фрчкоски кај Васко Ефтов.
Пендаровски му одговори: „Никогаш не сум мешетарел, тоа го прават други кои се занимаваат со кафеанско озборување. Изјавата е целосно одлепена од реалноста и фактите, што, за жал, се случува поради ‘квалитетот’ на изворите со кои некои луѓе се дружат“, додаде Пендаровски.