Вести › Набрзинка

Тефтерчето пуштено на најјако

6 декември 2022

Додека во Брисел започнува проверка на поглавјето 23 кое се однесува на македонското правосудство, тие во највисоките судски инстанции штекаат партиски луѓе.
За претседателка на Судскиот совет на Македонија е избрана Весна Дамева. Никогаш не била судијка. Била приправник па стручен соработник во Кривичниот суд Скопје, ама затоа била член на правната комисија во СДСМ.
Пред три години е влезена во Судскиот совет по предлог на Стево Нивес Пендаровски.
Претходничката на Дамева даде отказ од Судскиот совет со тешки обвинувања за постоење судско-бизнис елити кои ја принудиле на таков чекор.
„Ја поздравувам жестоката реакција на Здружението на судии против партизацијата на Судскиот совет со поставување на некопмпетентни кадри! А кога веќе поздравувам непостоечки работи, го поздравувам и Дедо Мраз!“, саркастично напиша екс обвинителот Војо Димоски.

извор

Само три земји платиле за Одборот на Трамп за Газа

11 април 2026

Одборот за мир на Доналд Трамп добил само мал дел од 17-те милијарди долари ветени за обнова на Газа.
Од десет земји кои ветија средства, платиле само Обединетите Арапски Емирати, Мароко и САД. Собраната сума е под 1 милијарда долари – помалку од членарината за секоја земја што ја најави Трамп.
За реконструкција на Газа, каде што четири петтини од зградите беа уништени во двегодишните израелски бомбардирања, ќе бидат потребни околу 70 милијарди долари. според проекциите на глобалните институции.
Поради проблемите со финансирањето, новоформираниот Национален комитет за администрација на Газа (NCAG), не може да ја преземе контролата врз регионот од Хамас. Според мировниот план, Комитетот на чело со Али Шаат Хамас треба да ги управува министерствата и полициските сили.

извор

Астронаутите од Артемис 2 се вратија живи и здрави

11 април 2026

Четворицата астронаути на НАСА утрово безбедно се спуштија на Земјата, по десетдневната мисија Артемис 2 околу Месечината.
Нивната капсула „Орион“ ги издржа огромните температури од брзото навлегување во земјината атмосфера и се спушти со падобран во Пацификот, покрај брегот на Калифорнија.

„Стабилни сме“, објави командантот на мисијата Рид Вајзман. Тој и другите астронаути – Виктор Гловер, Кристина Кох и Канаѓанецот Џереми Хансен, ќе поминат низ неколкудневни детални медицински прегледи.
При влегувањето во атмосферата, екипажот леташе 32 пати побрзо од звукот (побрзо од кој било човек досега), а нивната капсула беше изложена на температура од 2.760 Целзиусови степени – практично беше обвиткана во оган, поради што во критични 6 минути немало никаков контакт со Контролата на мисијата. Падобраните ја намалиле брзината на слободниот пад на 25 километри на час.
При мисијата за обиколување на Месечината, екипажот на НАСА стаса 406.778 километри од Земјата, подалеку од кој било човек досега, и направи детални снимки од нејзината „скриена“ страна.
НАСА в година ќе ја спроведе мисијата Артемис 3, во која ќе тестира екипаж со лендери во орбита, како конечна подготовка за мисијата Артемис 4, кое опфаќа спуштање астронаути на Месечината, прв пат по 1972 година. Во трка е со Кина, која планира да испрати свои „таиконаути“ на Месечината до 2030 година.

извор