- Стотици илјади корисници на системот Старлинк низ светот синоќа останаа без пристап до интернет преку сателитската мрежа на Илон Маск.
- Ова особено ги погоди украинските единици на фронтот со Русија, кои останаа без комуникации. Им откажале сите терминали.
- Прекинот траел 2,5 часа. Пристап до интернет немале стотина илјади корисници во Украина и десетици илјади во Европа и во делови од САД. Старлинк има 6 милиони корисници во 140 земји.
- Прекинот беше поради откажување на софтверот во јадрото на мрежата, објасни Мајкл Николс, потпретседател на инженерското одделение на Старлинк.
- Почнувајќи од 2020 година СпејсИкс постави во орбита повеќе од 8.000 сателити од мрежата Старлинк.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
