Вести › Набрзинка

Смртта на Вардар

8 април 2024

Реката Вардар, долга 388 километри од кои 76 се наоѓаат во Грција, и за двете земји претставува значаен извор на вода за пиење и вода за наводнување. Двете земји се одговорни за еколошките проблеми, секоја со различен степен на одговорност. Проблемот е далеку подраматичен во Македонија каде се наоѓа 80 отсто од реката Вардар.
Изметот што го произведуваат околу 200 илјади домаќинства во Скопје и околината а „автентичниот декор“ на реката го чинат илјадници пластични шишиња, остатотоци од мрши од животни, градежен отпад, телевизори, фрижидери, каучи. Во близина на реката има безброј диви депонии за отпад.
Загаденоста во скопскиот регион на реката Вардар е алармантна. „Реката е речиси на работ на биолошка смрт“, вели доктор Љупчо Костадиновски, раководител на одделението за хигиена во Центарот за јавно здравје.
Скопје е еден од ретките главни градови во Европа кој нема пречистителна станица за отпадни води.

извор

Еднаквост: Во 27 земји 0,1% e повеќе од 80%

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.

извор

„Лукоил“ ќе заврши кај партнери на Кушнер и Виткоф

3 октомври 2026

Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.

извор