Вести › Набрзинка

Сите членови на Комисијата за помилување поднесоа оставки

27 октомври 2024

„Оваа одлука ја донесовме во согласност со нашите лични и професионални принципи. Со почит, проф. д-р Методија Каневчев, проф. д-р Гордан Калајџиев, проф. д-р Арлинда Кадри Шахиновиќ, д-р Зора Митиќ, м-р Ана Ѓорѓиева Ивановска и Ајтен Шаќири“, наведуваат во објава на Фејсбук.
Оставките следуваат по реакциите во јавноста во однос на одлуката за помилување на десетина осуденици од страна на претседателката Сиљановска-Давкова, особено за Акиф Равманоски познат во јавноста како член на нарко-кланот „Барон“, кој два дена по помилувањата, на излегување од затвор, беше повторно уапсен.
ГСД најавува консултации за нов состав и слабостите во системот за помилување.

22 ноември 2024

Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****