Вести › Набрзинка

Што содржи протоколот за бугаризација на Македонија

4 јули 2022

Владата на Северна Македонија се обврзува да ги вклучи Бугарите во уставот пред првата меѓувладина конференција.
Владата на Северна Македонија да ѝ достави на Бугарија копии од сите методолошки упатства, учебници, наставни средства и други релевантни наставни материјали во образовната програма на Северна Македонија.
Без одлагање ќе се покренува соодветна процедура и конкретни чекори за преземање брзи и ефективни активности во идентификувањето на говор на омраза во натписите на јавни згради и споменици, текстови во учебници и наставни програми и во медиумите (вклучително и онлајн и социјалните медиуми).
Владата на Северна Македонија да ги осуди и да се извини за неправдите и репресиите извршени од југословенскиот комунистички режим врз Бугарите.
Владите на двете земји, на заедничка церемонија, ќе ги откријат обновените натписи на Самуиловата тврдина во Охрид. Владата на Северна Македонија ќе подготви и презентира примерок на лекција за 7.одделение од наставната програма на Северна Македонија за цар Самуил. Овој примерок од лекцијата ќе биде вклучен во училишната програма во Северна Македонија во иднина.
Владата на Северна Македонија се обврзува доследно да ја информира Бугарија за сите промени во содржината на сите учебници, наставни средства и насоки во образовната програма на Република Северна Македонија и да обезбеди копии од новите изданија.

извор

Водата во Гостивар може да се користи само како техничка

27 јули 2026

По десет дена забрана, гостиварци повторно можат да ја користат водата од градскиот водовод како техничка - за капење, перење и за домаќинството. Но, останува на сила најважната забрана: водата сè уште не смее да се пие ниту да се користи за приготвување храна.
По интервенциите со хиперхлорирање и дезинфекција на водоводната мрежа, повеќекратни лабораториски испитувања покажале дека водата ги исполнува условите за техничка употреба, изјави министерот за внатрешни работи Панче Тошковски, кој раководи со Управувачкиот комитет за координација и управување со кризи.
Ќе продолжи испораката на флаширана вода до граѓаните.
Водата во Гостивар беше забранета за пиење од 17 јули, откако беше утврдено микробиолошко загадување на водоводната мрежа со фекални материи. На 19 јули беше прогласена епидемија, а два подоцна Владата прогласи 30-дневна кризна состојба.
До вчера 4.197 граѓани се јавиле на преглед поради здравствени проблеми поврзани со водата.

извор

Карл Билт прави шведска верзија на МИ6

27 јули 2026

Откако шведската воена разузнавачка агенција потфрли со проценката дека „Русија нема да изврши инвазија врз Украина“, Владата во Стокхолм создава нова шпионска служба UND, која според начинот на дејствување ќе потсетува на британската МИ6.
Новата цивилна агенција е дизајнирана од поранешниот премиер Карл Билт, кој подоцна беше главниот мировен посредник на Европа за војната во поранешна Југославија.
Во рамките на UND ќе биде вклучена „Канцеларија за специјално прибирање податоци“, чии агенти уфрлени во странство ќе спроведуваат тајни операции.
Се очекува шведскиот парламент да го одобри формирањето на агенцијата до 13 август, пред изборите во септември, а UND би требало да функционира од јануари идната година.
И други европски земји забрзано ги реорганизираат своите служби за надворешно разузнавање. Берлин ја ослободи BND од строгите правила за почитување на приватноста кои ѝ ја ограничуваа способност за следење на луѓе. Сè планира и потесна соработка на службите во заедничка европска мрежа, слична на Five Eyes во која се САД, Австралија, Британија, Канада и Нов Зеланд.

извор