Вести › Набрзинка

Што содржи протоколот за бугаризација на Македонија

4 јули 2022

Владата на Северна Македонија се обврзува да ги вклучи Бугарите во уставот пред првата меѓувладина конференција.
Владата на Северна Македонија да ѝ достави на Бугарија копии од сите методолошки упатства, учебници, наставни средства и други релевантни наставни материјали во образовната програма на Северна Македонија.
Без одлагање ќе се покренува соодветна процедура и конкретни чекори за преземање брзи и ефективни активности во идентификувањето на говор на омраза во натписите на јавни згради и споменици, текстови во учебници и наставни програми и во медиумите (вклучително и онлајн и социјалните медиуми).
Владата на Северна Македонија да ги осуди и да се извини за неправдите и репресиите извршени од југословенскиот комунистички режим врз Бугарите.
Владите на двете земји, на заедничка церемонија, ќе ги откријат обновените натписи на Самуиловата тврдина во Охрид. Владата на Северна Македонија ќе подготви и презентира примерок на лекција за 7.одделение од наставната програма на Северна Македонија за цар Самуил. Овој примерок од лекцијата ќе биде вклучен во училишната програма во Северна Македонија во иднина.
Владата на Северна Македонија се обврзува доследно да ја информира Бугарија за сите промени во содржината на сите учебници, наставни средства и насоки во образовната програма на Република Северна Македонија и да обезбеди копии од новите изданија.

извор

Мамдани го крева данокот на имот во Њујорк

18 февруари 2026

Новиот „социјалистички“ градоначалник на Њујорк Зохран Мамдани објави дека ќе го зголеми данокот на имот, првпат по две децении. Не гледа друг начин како градските власти може да ја пополнат дупката од 5 милијарди долари во буџетот.
„По години лошо управување се соочуваме со буџетска дупка од 5,4 милијарди долари и две можни патеки. Едната е зголемување на даноците за ултрабогатите и најпрофитабилните корпорации, а другата е да се балансира буџетот врз грбот на работниците, преку единствените алатки што му се на располагање на градот“, порача Мамдани.
За време кампањата тој промовираше прогресивни реформи за финансирање на бесплатен јавен превоз, стабилизација на станарините и програмите за домување, универзална грижа за децата и минимална надница од 30 долари на час.
Последниот градоначалник што го крена данокот на имот во Њујорк беше Мајкл Блумберг во почетокот на овој век.

извор

Панчевски со кривична против членовите на Советот на јавни обвинители

18 февруари 2026

Поранешниот судија и експретседател на Основниот кривичен суд Скопје, Владимир Панчевски, кој вчера беше дисквалификуван од трката за нов државен јавен обвинител, ќе поднесе кривична пријава против членовите на Советот на јавните обвинители поради нивната одлука.
Тој смета дека сите десет членови на Советот на јавните обвинители, постапиле спротивно на законот при разгледувањето на неговата пријава и утврдувањето посебен услов за кандидат за државен јавен обвинител.
Како што вчера наведе заменик-претседателка на Советот, Марјана Илиеска, согласно законските одредби, кандидатот треба да има најмалку 10 години непрекинат работен стаж од областа на кривичното право, а во конкретниот случај на Панчевски функцијата му престанала пред 13 години и во меѓувреме не бил ниту судија ниту јавен обвинител.
Според Панчевски, членовите на Советот со умисла потешко го повредиле неговото законско право бидејќи има потврда за редовен работен однос на местото судија во скопскиот Основен кривичен суд од 8 февруари 2008 до 28 јули 2020 година или вкупен непрекинат стаж од 12 години, пет месеци и 20 дена.

извор