Вести › Набрзинка

Што ли да нè спаси од лажна уметност?

13 август 2024

Центарот за современи уметности во рамките на проектот „Со уметност против лажни вести“, започнал уметничка акција со поставување „Кукла Робот кој предупредува на лажни вести“ во центарот на Скопје.
Преку ова Центарот активно се вклучувал во борбата против лажните вести кои „одвнатре го нагризуваат нашето општество насочувајќи ги граѓаните кон погрешни заклучоци“.
А нашето општество сака само исправни заклучоци. За што веројатно дополнително ќе бидете информирани, обучени и тренирани.

п.с. Лажна вест е дека луѓето изгледаат онака како што ги претставува Пикасо :)

извор

Израел ќе го окупира градот Газа

8 август 2025

Израелската влада одобри план за целосна окупација на градот Газа, главниот урбан центар во палестинска енклава. Тоа значи нова долга и обемна копнена офанзива што сигурно ќе ја продлабочи хуманитарната катастрофа на Палестинците.
„Израелските одбранбени сили ќе се подготват за да ја преземат контролата врз градот Газа. Ќе овозможат хуманитарен коридор преку кој цивилното население ќе може да се повлече од борбените зони“, објави кабинетот.
Премиерот Бенјамин Нетанјаху инсистирал на целосна окупација на појасот Газа, ни бил разубеден од военото раководство, кои укажале на ризикот за трупите и за преостанатите 20 израелски заложници што ги чува Хамас.
„Не сакаме да ја задржиме. Сакаме безбедносен периметар. Сакаме да ѝ ја предадеме на арапски сили, кои ќе владеат правилно и ќе им овозможат добар живот на жителите, без да ни се закануваат“, изјави Нетанјаху за Фокс њуз.
Израелските сили во овој момент контролираат околу три четвртини од Појасот. Повеќе од 2 милиона Палестинци се притиснати без доволно храна, вода и лекови на мала територија, во која израелските сили секојдневно спроведуваат напади. Само вчера загинале 42 лица во бомбардирања и од акции на копнените сили. „Нема што да се окупира. Не остана ништо од Газа“, изјавила за АП Палестинка од камп за раселени лица.

извор

Трамп очекува средба со Путин, Зеленски ќе почека

7 август 2025

Американскиот претседател Доналд Трамп е убеден дека би можел да се сретне со рускиот Владимир Путин веќе во текот на идната недела, а дури потоа би им се придружил и украинскиот Володимир Зеленски, во обид да почнат преговори за крај на војната.
Трамп го изложил својот план во телефонски разговор со Зеленски и со неколкумина европски лидери - британскиот премиер Кир Стармер, германскиот канцелар Фридрих Мерц, финскиот претседател Александер Стуб и генералниот секретар на НАТО, Марк Руте. Не е планирано Европа да има свој претставник на мировните средби.

Кремљ ниту ја демантираше ниту ја потврди најавата за самитот. Путин уште во јануари изрази спремност да се сретне со Трамп „за да разговараат смирено за сите прашања што се од заеднички интерес на САД и на Русија“, но одбива средба со Зеленски.
Оптимизмот на Вашингтон го крена мисијата на специјалниот претставник Стив Виткоф, кој вчера во Москва три часа разговараше со Путин. Нема детали за разговорите, но државниот секретар Марко Рубио изјави: „Можеби првпат имаме некои конкретни примери што бара Русија за да заврши војната“. Тој додаде дека „клучен елемент од било каков договор ќе бидат територии“.

извор