Вести › Набрзинка

Што е метаверзум?

5 ноември 2021

Метаверзум е виртуелен универзум составен од споделени 3Д виртуелни простори кои се меѓусебно поврзани за да создадат еден масивен виртуален универзум. Имаат свои економии, некои имаат свои валути, како и дигитален капитал.
Во метаверзум се влегува лесно: одбирате во кој сакате да влезете, отворате дигитален паричник, набавувате крипто-валута, отворате сметка и одбирате аватар.
Само во третиот квартал во 2021, во метаверзумите се свртела трговија од 56 милиони долари.
Во продолжеток, опис на неколку големи метаверзуми.

извор

Џ.Д. Венс ги запрел украинските напади врз танкери во Црно Море

12 август 2026

Украина по барање од американскиот потпретседател Џ.Д. Венс ги запрела нападите со дронови врз танкери и врз критичниот терминал во руското пристаниште Новоросијск во Црно Море.
Венс на 31 јули во телефонски разговор го известил Зеленски дека украинските напади го дестабилизираат пазарот на нафта и им прават штета на американските нафтени компании. По разговорот не е регистриран ниту еден украински напад врз танкери близу терминалот.
Гигантите „Шеврон“ и „ЕксонМобил“ поседуваат удели во терминалот CPC, главниот јазол за извоз на нафта од Казахстан. „Шеврон“ поседува 50% од Тенгиз - најголемото нафтено поле во Казахстан, а „Ексон“ поседува 25%.
Казахстанската сурова нафта стана важна за глобалните пазари бидејќи испораките од Блискиот Исток остануваат ограничени поради војната со Иран.
Како последица на украинските напади, терминалот CPC во јули товарел само 1,3 милиони барели дневно, што е намалување за повеќе од 300.000 барели во однос на јуни и за 600.000 барели помалку отколку во мај.

извор

Башар ал Асад осуден на смрт во Сирија

11 август 2026

Поранешниот сириски претседател Башар ал-Асад, во отсуство е осуден на смрт за злосторства извршени за време на речиси 14-годишната граѓанска војна во земјата.
Судот во Дамаск го прогласи за виновен за убиство со умисла, тортура, произволни апсења и злосторства против човештвото, вклучително и убивање деца.
На смрт е осуден и неговиот брат Махер.
Асад во 2011 година се соочи со масовни протести кои прераснаа во долгогодишна граѓанска војна во која страдаа стотици илјади луѓе. Странски сили (САД, Турција, Иран, Русија...) здушно учествуваа во судирите, помагајќи ги „своите“.
Во декември 2024 ел Асад беше соборен кога противниците влегоа во Дамаск а тој пребегна во Русија која му понуди засолниште.
Сега со Сирија раководи ребрендираниот Абу Мохамед ал Џулани, поранешен член на Ал Каеда, основач на Џабат ал-Нусра (сириското крило на Ал-Каеда) група означена како терористичка организација од САД, ООН, ЕУ и други. Своевремено имаше награда од 10 милиони долари за информации што би довеле до негово апсење.
Денес Џулани е кооперативен и угледен член на „меѓународната заедница.“