- Џејкоб Ченсли, кој беше осуден на три години затвор заради упадот во Конгресот на 6 јануари 2021 година, планира да стане дел од конгресот.
- Дeчкото попознат како „КјуАнон шаманот“ поднел потребна документација за едно место во Аризона, откако актуелната претставничка од таму решила повеќе време да посвети на семејството.
- Законот на Аризона забранува гласање на осудени лица сè додека целосно не ја одлежат казната но американскиот устав не забранува таквите да држат федерална функција.
- Ченсли беше пуштен од затвор во мај годинава, рече дека го баталил КјуАнон а го интересира психологија, религија, филозофија и керамика.
- Најголем фаворит за нов папа е филипинскиот кардинал Луис Антонио Тагле, кого го нарекуваат „Азискиот Франциско“. Кладилниците му даваат 40% шанси дека ќе биде избран со двотретинско мнозинство на конклавата во Ватикан.
- Роден во 1957 година во семејство со кинеско-филипински корени, Тагле докторирал теологија во САД, во 2011 година бил назначен за надбискуп на Манила, а во 2012 година за кардинал. Од 2020 година е про-префект за евангелизација, најважното тело во Ватикан за мисионерските работи на Римокатоличката црква.
- Тагле се истакнува меѓу кардиналите со едноставниот стил и блиските односи со обичните луѓе, особено од маргинализираните групи, што му беа белези и на папата Франциско. Течно зборува филипински, италијански, англиски, шпански и француски јазик.
- Речиси подеднакви шанси за нов папа кладилниците му даваат на италијанскиот кардинал Пјетро Паролини, кој е државен секретар на Ватикан од 2013 година. Тој има големо дипломатско и политичко искуство и ја следи теолошката траекторија на Франциско.
- Поради строгата тајност на изборот и политичките игри во Ватикан, Италијанците предупредуваат дека е речиси невозможно да се погоди кој ќе биде нов папа. Тие имаат стара поговорка: Оној што влегува на конклава како папа, излегува како кардинал“.
- Папата Франциско ќе биде погребан в сабота во 10 часот со церемонија на плоштадот пред базиликата „Свети Петар“ во Ватикан, решија кардиналите во Ватикан.
- На погребот се очекува да присуствуваат многумина шефови на држави од светот. Своето присуство веќе го најавија американскиот претседател Доналд Трамп, аргентинскиот Хавиер Милеи, бразилскиот Луиз Инасио Лула да Силва и украинскиот Володимир Зеленски.
- Погребната миса ќе се одржи на отворено. Службата ќе ја води деканот на Колеџот за кардинали, Џовани Батиста Ре, а ќе сослужуваат патријарси, кардинали, архиепископи, бискупи и свештеници од целиот свет.
- Согласно неговата волја од тестаментот, Франциско ќе биде погребан во базиликата „Санта Марија Маџоре“ во Рим, а не во „Свети Петар“, каде што почиваат повеќето негови претходници.
