- Претседателка на Државната комисија за одлучување во управна постапка и во постапка од работен однос во втор степен (која треба да ги штити граѓаните од дискриминација и изживување од претпоставените), вознемирувала раководно лице во комисијата зашто донел поинаква одлука во предмет, а не каква што таа му наредила.
- Откако овој приложил докази за вознемирувањето до ДКСК, преку дисциплинска постапка, го избркале од работа.
- Веднаш поднел тужба, а Граѓанскиот суд Скопје донел пресуда веднаш да биде вратен на работа. И Апелациониот суд донел правосилна судска пресуда избрканиот службеник да биде вратен на работа.
- Даница Чадиева морала да го врати назад, но со ново решение го симнала три ранга подолу без никаков оглас и соодветно на новото место, му ја намалила платата.
- Потоа не му дозволувале годишен одмор и отсуство од два пати по два часа месечно, за што му рекле „да не замара.“
- Руската Дума пред неколку дена донесе закон со кој се овластува Сбербанк, централната банка и другите финансиски институции да инсталираат системи за електронско војување и да ги вооружаат ои обучат вработените за соборување украински беспилотни летала што им се закануваат на нивните објекти.
- Дека постои таква потреба покажа и една крстосувачка ракета „Сторм Шедоу“ од британско производство која истиот ден ја погоди канцеларијата на руската централна банка во Севастопол, Крим.
- Руските банки ќе можат да инсталираат свои системи за одбрана од беспилотни летала, да ги блокираат сигналите и да уништуваат беспилотни летала без да чекаат овластување од безбедносните служби.
- Законот доаѓа во време кога Украина сè поефикасно користи дронови за напади на цели длабоко во руската територија.
- Саудискиот аналитичар Мубарак ал-Ати објаснува дека поради падот на тежината на САД на меѓународната сцена, Саудиска Арабија и другите земји од Заливот не ги сфатиле сериозно барањата на Трамп да се приклучат кон Абрахамовите договори кои треба да ги нормализираат односите на арапските земји со Израел.
- „Се чини дека американскиот претседател е колеблив да се врати во војна и да го собори режимот на ајатолахот. Тоа ќе го чини скапо“, рекол Ати за РТ, оценувајќи дека Трамп се покажал како тигар од хартија.
- Според него, првиот знак за падот на моќта на САД во меѓународните односи бил „понижувачкото излегување“ на Бајден од Авганистан во 2021 година. „САД сè уште се суперсила, но не како што беа пред една деценија“, го пренесува неговото мислење Ерусалим Пост.
