На мировните преговори ќе учествуваат западните држави, Украина и земји во развој како Индија и Бразил, но не и Русија, и тие треба да служат за здобивање поддршка од земјите во развој кои во најдобар случај за сега се неутрални кон војната.
Овие преговори треба да кулминираат со мировен самит кон крајот на годинава во кој глобалните лидери треба да потпишат заеднички принципи за решавање на војната, кои потенцијално би биле рамка за идните мировни преговори меѓу Украина и Русија.
Изборот на Саудиска Арабија е на западна иницијатива чија цел меѓу другото е малку да се одоброволи „глобалниот југ“ и да се почувствува дека и тие имаат некакво значење во глобалните случувања.
Меѓу учесничките ја нема Русија која одби какви било преговори со Украина кои ќе подразбираат таа да се откаже од која било освоена територија.
Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.
Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.
Наспроти ниската стапка на наталитет во речиси сите членки, Европската Унија сега има рекордно висок број жители поради „зголемените миграторни движења“ по пандемијата на ковид во 2021 година, покажуваат најновите статистички податоци.
„Од 2012 година наваму негативниот природен прираст во ЕУ е помал од позитивната миграција“, наведува Еуростат.
На почетокот на годинава ЕУ имала 450,4 милиони жители, што е апсолутен рекорд. Тоа е за околу 1 милион повеќе во споредба со 2024 и четврто по ред зголемување од година на година.
Од 1960 година населението на ЕУ се зголемило за 95,9 милиони, главно поради проширувањето со нови членки.
Денес најмногу жители има Германија (83,6 милиони), а најмалку Малта (0,6 милиони). Речиси половина од населението е концентрирано во Германија, Франција и Италија.
